„ბათუმელების“ ინფორმაციით, ცოტა ხნის წინ ბათუმის რესპუბლიკურ საავადმყოფოში მოთავსებული კოვიდპაციენტი კლინიკის მესამე სართულიდან გადახტა/გადავარდა. „ჩანთა ჰქონდა მოკიდებული. ისე გადახტა“, – უთხრეს „ბათუმელებს“.
73 წლის კაცი ცოცხალია.
დაზუსტებული ინფორმაციით, პაციენტის შვილი რესპუბლიკური საავადმყოფოს თანამშრომელია. შესაბამისად, ის თავად ახერხებდა ეზრუნა მამაზე.
კაცის მესამე სართულიდან გადახტომა/გადავარდნის ფაქტს ადასტურებენ აჭარის ჯანდაცვის სამინისტროშიც. უწყების ინფორმაციით, „შემთხვვეის მიზეზი უცნობია, ამ დროს პალატაში სხვა პირი არ იმყოფებოდა“.
„ამჟამად პაციენტი მოთავსებულია რეანიმაციულ განყოფილებაში. ჩაუტარდა შესაბამისი კვლევები, დადგინდა გულ-მკერდის მიდამოში ორი ნეკნის მოტეხილობა და მუცლის ღრუში მცირედი სისხლჩაქცევები. პაციენტს უტარდება შესაბამისი სამედიცინო დახმარება“, – აცხადებენ სამინისტროში.
წყარო: batumelebi.netgazeti.ge
Loading ...