ბათუმის სპორტული ცენტრის დირექტორი, არჩილ ბარამიძე ოჯახში ძალადობის მუხლით დააკავეს. მას აღკვეთი ღონისძიების სახით პატიმრობა მოსამართლე ნინო სახელაშვილმა 22 სექტემბერს შეუფარდა.
გამოძიება ბათუმის მერიის უკვე ყოფილ თანამშრომელს ცოლზე ფიზიკურ ძალადობას ედავება.
„ის არ ცნობს თავს დამნაშავედ,“ – უთხრა „ბათუმელებს“ ადვოკატმა სიმონ ასათიანმა, რომელიც არჩილ ბარამიძის ინტერესებს იცავს. ადვოკატი მოსამართლეს ბრალდებულის 5 ათასი ლარი გირაოს სანაცვლოდ გათავისუფლებას სთხოვდა, თუმცა მოსამართლემ პროკურატურის მოთხოვნა დააკმაყოფილა.
ბრალის დადასტურების შემთხვევაში არჩილ ბარამიძეს მინიმუმ საზოგადოებისთვის სასარგებლო შრომა ელის 80-დან 150 საათამდე. ოჯახში ძალადობის მუხლით გათვალისწინებული მაქსიმალური სასჯელი 3 წლამდე თავისუფლების აღკვეთაა.
კომენტარები
Loading ...
