ბათუმის მედალფას კიდევ 4 კორონავირუსისგან გამოჯანმრთელებული პაციენტი ჰყავს

ბათუმის კლინიკა მედალფას კიდევ 4 გამოჯანმრთელებული პაციენტი ჰყავს, რომლებიც კლინიკას დღეს დატოვებს. ამის შესახებ განცხადება, რამდენიმე წუთის წინ, აჭარის მთავრობის თავმჯდომარემ, თორნიკე რიჟვაძემ გააკეთა. მისივე თქმით, გუშინ გამოკვლეული 177 პაციენტიდან ვირუსი არც ერთს არ დაუდასტურდა. დღეს თორნიკე რიჟვაძემ აჭარის საგანგებო ბიუჯეტის პროექტი წარმოადგინა, რომლის თანახმადა, აჭარის მთავრობა ინფექციის წინააღმდეგ 20 მილიონ ლარს გამოყოფს. “პირველი რათქმააუნდა დავიწყებ ზოგადად ვირუსთან ბრძოლის ფარგლებში გატარებულ ღონისძიებებზე და ასევე დღევანდელი სიახლეებით. დღეს გვყავს 4 გამოჯანმრთელებული რომლებიც უახლოეს საათებში დატოვებენ კლინიკას. ასევე 2 დღის განმავლიბაში განხორციელდა 177 მოქალაქის ტესტირება და ყველა პასუხი არის უარყოფითი, ასევე საკარანტინე სივრცეებში აქტიურად მიმდინარეობს საზღვრიდან შემოსული მოქალაქეების დაბინავება და შესაბამისად ისინი გადიან ჯანდაცვის სამინისტროს მიერ დაწესებულ შესაბამის ზედამხედველობას, მეთვალყურეობას.”-განაცხადა თორნიკე რიჟვაძემ.