ახალციხეში კორონავირუსით ცოლ–ქმარი გარდაიცვალა

ახალციხეში სამდღიანი შუალედით კორონავირუსით ცოლ–ქმარი გარდაიცვალა. სამცხე–ჯავახეთში ვირუსით გარდაცვალებულთა რიცხვი 82–მდე გაიზარდა. 

როგორც გარდაცვლილის ახლობლები ამბობენ, ორივე მათგან კორონავირუსი ჰქონდა, გარკვეული დროის მანძილზე ისინი, ახალციხეში კლინიკა „იმედში“ მკურნალობდნენ, მათივე ინფორმაციით ცოლი 25 აგვისტოს, ხოლო მეუღლე დღეს, 28 აგვისტოს გარდაიცვალა. 

ახალციხეში ბოლო 24 საათში ვირუსს კიდევ ერთი პირი ემსხვერპლა. 

 „ჩვენთან გადიოდნენ მკურნალობას. ერთი გუშინ გარდაიცვალა, ერთი დღეს დილით. ორივე მამაკაცი იყო“,– ამბობს კლინიკა „იმედის“ კლინიკური მენეჯერი, მზია კაკოშვილი.

წყარო: sknews.ge