მოქალაქეებს აცრიდან 6 თვის თავზე უკვე ბუსტერ-დოზის დაჯავშნა შეუძლიათ. ვაქცინაციისთვის განკუთვნილი პორტალი – booking.moh.gov.ge მოქალაქეებს, რომლებმაც კორონავირუსის საწინააღმდეგო ვაქცინის ორი დოზა უკვე გაიკეთეს, ბოლო დოზის მიღებიდან 6 თვის თავზე მესამე დოზაზე დარეგისტრირების საშუალებას აძლევს.
ტაბულა დაავადებათა კონტროლის ეროვნულ ცენტრთან დაკავშირებას ცდილობს – მათ პასუხს მიღებისთანავე შემოგთავაზებთ.
3 ნოემბერს თამარ გაბუნიამ თქვა, რომ უწყებათაშორის საკოორდინაციო საბჭოზე ბუსტერ-დოზაზე ასაკობრივი ზღვარის მოხსნაზე ფიქრობდნენ. არსებული პროტოკოლით, მესამე დოზით აცრა დასაშვებია ვაქცინაციიდან 6 თვის შემდეგ, 50 წლის ზემოთ პირებში, ასევე ნებისმიერი ასაკის ადამიანებში, ვისაც აქვთ ქრონიკული დაავადებები და მაღალი რისკის პროფესიებში, როგორიცა: სამედიცინო პერსონალი, დახურული ტიპის დაწესებულებაში მცხოვრები პირები და იქ დასაქმებული თანამშრომლები.
Loading ...
