აშშ-ის ევროპის სარდლობა საქართველოს სასაზღვრო პოლიციას ქონებას გადასცემს – მთავრობის განკარგულება

აშშ-ის ევროპის სარდლობა საქართველოს სასაზღვრო პოლიციას ქონებას გადასცემს – ამის შესახებ 16 დეკემბრის მთავრობის განკარგულებიდან ხდება ცნობილი, რომლითაც პრემიერ-მინისტრმა ირაკლი კობახიძემ შსს-ის დაქვემდებარებაში არსებულ საქართველოს სასაზღვრო პოლიციას შესაბამისი ქონების მიღების უფლება მისცა. განკარგულების თანახმად, საუბარია:

“საქართველოში საგარეო დახმარების კოორდინაციისა და საქართველოს სამინისტროების მიერ გრანტის გაცემის წესის დამტკიცების შესახებ საქართველოს მთავრობის 2015 წლის 1 ივნისის N238 დადგენილების შესაბამისად, მოწონებულ იქნეს ამერიკის შეერთებული შტატების ევროპის სარდლობის (EUCOM) მიერ საქართველოს შინაგან საქმეთა სამინისტროს მმართველობის სფეროში შემავალი სახელმწიფო საქვეუწყებო დაწესებულებისთვის – საქართველოს სასაზღვრო პოლიციისთვის (შემდგომში – სასადღვრო პოლიცია) სასაზღვრო პოლიციის სახმელეთო საზღვრის დაცვის დეპარტამენტის სასაზღვრო პოლიციის N8 სამმართველოს (ჯავა-ონი) NI სასაზღვრო სექტორის (მამისონი) ახალი ადმინისტრაციული შენობისა და დამხმარე ინფრასტრუქტურის გადმოცემის დოკუმენტი.

ამ განკარგულების პირველი პუნქტით გათვალისწინებულ დოკუმენტში შესაბამისი პირობების დაზუსტება, მასში ცვლილებებისა და დამატებების შეტანა ან სხვა საკითხების კორექტირება, გარდა დახმარების მიღების მიზნის, მოცულობისა და სახსრების გამოყენების კონკრეტული მიმართულებების ცვლილებისა, გადაწყდეს მხარეთა შეთანხმებით, საქართველოს მთავრობასთან დამატებით შეთანხმების გარეშე”, – ნათქვამია მთავრობის განკარგულებაში.