არ მოიხმაროთ აკრძალული და მკვლელი ღია წვის კამერიანი გაზის გამათბობლები და წყლის გამაცხელებლები

კომპანია „თბილისი ენერჯი“ განცხადებას და ნოემბრის თვის სტატისტიკას ავრცელებს. ნოემბრის თვეში კომპანიის სპეციალისტებმა თბილისში 3867 დარღვევა გამოავლინეს და ქსელიდან ჩახსნეს გამათბობლები.

„მიუხედავად უამრავი მაგალითისა და გაფრთხილებისა, სტატისტიკა მეტყველებს, რომ ხშირ შემთხვევაში, აბონენტების ნაწილი აიგნორებს ჩვენი სპეციალისტების გაფრთხილებებს და უკვე ჩაჭრილ სასიკვდილო დანადგარებს ხელმეორედ, თვითნებურად აერთებს ქსელზე. ხშირად გაზის დანადგარების მილებს უერთებენ კორპუსის სავინტილაციო არხებს, რაც კატეგორიულად აკრძალულია. ამით ისინი არა მხოლოდ საკუთარ და საკუთარი ოჯახის წევრების, არამედ სხვა ადამიანების სიცოცხლესაც საფრთხეს უქმნიან.

ქსელიდან ჩახსნილი სახიფათო დანადგარებისა და მოუწესრიგებელი გაზგაყვანილობის სტატისტიკა უბნების მიხედვით ასე გამოიყურება:

ისანი-ვაზისუბანი – 962; სამგორი – 878; საბურთალო – 449; გლდანი – 343; მთაწმინდა – 296;

სანზონა – 226; კრწანისი – 213; ნაძალადევი – 174; დიდუბე – 95; ჩუღურეთი – 84; ნუცუბიძე – 72; დიღომი – 41; ვაკე – 26; წყნეთი – 8.

„თბილისი ენერჯი“ გაფრთხილებთ, არ მოიხმაროთ აკრძალული და მკვლელი ღია წვის კამერიანი გაზის გამათბობლები და წყლის გამაცხელებლები. ასევე, გახსოვდეთ, რომ ქარიანი ამინდის დროს ბინაში CO(ცეო)-ს დაგროვების რისკი კიდევ უფრო იზრდება“, – ნათქვამია განცხადებაში.

www.radiotavisupleba.ge