წელს არჩევნები იქნება გარდამავალი სისტემის, რომელიც არის შერეული და პროპორციული სისტემის ნაზავი, – ამის შესახებ საქართველოს პარლამენტის თავმჯდომარემ, არჩილ თალაკვაძემ საქართველოში ვიზიტით მყოფ სომხეთის პრემიერ-მინისტრთან, ნიკოლ ფაშინიანთან საუბრისას განაცხადა.
თალაკვაძემ აღნიშნა, რომ 2020 წელი საკმაოდ დინამიკური იქნება საქართველოს პოლიტიკური ცხოვრებისთვის.
„ჩენ გველოდება საპარლამენტო არჩევნები. ჯერ კიდევ ვატარებთ დისკუსიებს იმის შესახებ, თუ რომელი იქნება საქართველოსთვის საუკეთესო საარჩევნო სისტემა. უკვე მივიღეთ გადაწყვეტილება, რომ 2024 წლიდან საქართველოში პროპორციული საარჩევნო სისტემა იქნება. ასე რომ, წელს იქნება გარდამავალი სისტემა, რომელიც არის შერეული და პროპორციული სისტემის ნაზავი. ამჟამად ამ საკითხზე ცხარე პოლიტიკური დებატები გრძელდება და მოლაპარაკებებში ვართ ჩართული.
საქართველო აცნობიერებს, რომ მხოლოდ რეფორმები, ინსტიტუტების გამტკიცება და დემოკრატიის გაუმჯობესება და სამართლიანი არჩევნები არის ერთადერთი გარანტია ქვეყნის გრძელვადიანი და წარმატებული განვითარებისთვის. სწორედ ამიტომ, დიდ ენერგიას ვდებთ ამის მისაღწევად“, – განაცხადა არჩილ თალაკვაძემ.
www.1tv.ge
Loading ...