არის რეალური ალბათობა, რომ მოლაპარაკებების პროცესი დასრულდეს შეთანხმებით და ჩვენ გავაგრძოთ ნორმალური პოლიტიკური სისტემის ფუნქციონირება,- ამის შესახებ პარლამენტის თავმჯდომარემ არჩილ თალაკვაძემ ხელისუფლებისა და ოპოზიციის მოლაპარაკებების მესამე რაუნდის დასრულების შემდეგ ჟურნალისტებს განუცხადა.
როგორც თალაკვაძემ აღნიშნა, მოლაპარაკებების დღევანდელი რაუნდის წინგადადგმული ნაბიჯი არის ის, რომ პოზიციების დაახლოება მოხდა ისეთ მნიშვნელოვან თემაზე, რომელიც გრძელვადიან სტაბილურ თანამშრომლობასა და ნორმალური პოლიტიკურ სისტემას შეიძლება დაედოს საფუძვლად.
„თქვენ კარგად იცით, რომ კანონმდებლობის თანახმად, საარჩევნო ადმინისტრაციის მიერ შემაჯამებელი ოქმის გამოქვეყნებიდან არაუგვიანეს 10 დღეში, უნდა ჩატარდეს პარლამენტის პირველი სხდომა, შესაბამისად, გვიახლოვდება უკვე თარიღი, როცა პირველი სხდომა უნდა ჩატარდეს, რა თქმა უნდა, ამას ვითვალისწინებთ ყველა მხარე და გვსურს, რომ დროულად მივაღწიოთ შეთანხმებას.
რეალურად დღეს წინგადადგმული ნაბიჯი არის ის, რომ ჩვენ დავაახლოვეთ პოზიციები ისეთ მნიშვნელოვან თემაზე, რომელიც ჩვენს გრძელვადიან სტაბილურ თანამშრომლობასა და ნორმალურ პოლიტიკურ სისტემას შეიძლება დაედოს საფუძვლად. თუ რა არის კონკრეტულად მოლაპარაკებების დეტალები, აუცილებლად ამაზე ჩვენ ვეტყვით საზოგადოებას სულ რამდენიმე დღის შემდეგ, როდესაც დიალოგი დასრულდება,“- განაცხადა არჩილ თალაკვაძემ.
Loading ...