რუსეთის ფედერაციის ჯარები ემზადებიან ხერსონის ჩაბარებისთვის, ხოლო ნიკოლაევის ოლქში ისინი აღარ არიან.
ამის შესახებ უკრაინის პრეზიდენტის აპარატის უფროსის მრჩეველმა და სამხედრო ექსპერტმა ალექსეი არესტოვიჩმა ტატიანა პოპოვასთან ინტერვიუში განაცხადა.
“რუსებმა უკვე მოამზადეს ხერსონი ჩაბარებისთვის. ცოტამ თუ იცის ამის შესახებ, მაგრამ ისინი სერიოზულად განიხილავენ ხერსონის დატოვებას. ეს არ ნიშნავს, რომ ხერსონი ხვალ განთავისუფლდება, მაგრამ მაინც”, – განაცხადა არესტოვიჩმა.
„ნიკოლაევში მტერი საერთოდ არ არის, ყველა ბრძოლა უკვე მიმდინარეობს ხერსონის ოლქში“, – დასძინა მან.
არესტოვიჩის პროგნოზით, რუსეთის ფედერაციას არ შესწევს ძალა უკრაინის ტერიტორიაზე თავდასხმისთვის და პუტინი საკუთარ გამარჯვებას „ქვეყნის შიგნით“ მოიპოვებს. რაც შეეხება მოლაპარაკებებს, სამხედრო პირობები ემთხვევა პოლიტიკურს.
“რუსები ძალიან კონსტრუქციულები და აქტიურები არიან. რუსები ითხოვენ მოლაპარაკებებს, ისინი არიან პროაქტიული მხარე. მთავარი ინტრიგა არის ლუგანსკის და დონეცკის ოლქების ადმინისტრაციული საზღვარი ადმინისტრაციული საზღვრის გასწვრივ ან 23 თებერვლამდე მდგომარეობით”, – განაცხადა არესტოვიჩმა.
www.unian.net
Loading ...