ნაშუაღამევს თეა წულუკიანის სახლთან დემონსტრანტები მივიდნენ მას შემდეგ, რაც მან საქართველოს ეროვნულ გმირ, აგვისტოს ომისას სასტიკად მოკლულ გიორგი ანწუხელიძეზე საუბრისას განაცხადა: „ყველა ბავშვს სჭირდება მშობელი სახლში და არა უაზროდ განწირული ვიღაცის პიარისთვის“.
„ანწუხელიძე გმირია“, „გაუმარჯოს გმირებს“, „დიდება გმირებს“, „დიდება საქართველოს“, – სკანდირებენ ისინი.
სოფელ დიღომში, თეა წულუკიანის სახლთან რამდენიმე დემონსტრანტის შეკრებისთანავე მივიდნენ პოლიციელები.
დემონსტრანტები მათ ეკითხებიან, თუ რას ფიქრობენ წულუკიანის ნათქვამზე, თუმცა პოლიციელები არ პასუხობენ.
„ის [თეა წულუკიანი] არის მოღალატე. ჩამოვიდეს და გაგვესაუბროს“, – ეუბნება ერთ-ერთი დემონსტრანტი პოლიციელს. ისინი პოლიციას ეუბნებიან, რომ გადასცენ თეა წულუკიანს, გამოვიდეს სახლიდან და მათ გაესაუბროს.
„ვინ წარმოიდგენდა, რომ წულუკიანს 30 ბავშვი შეაშინებდა“, – ამბობს აქციის კიდევ ერთი მონაწილე.
Loading ...