ამ წუთებში ოზურგეთის ადმინისტრაციულ შენობაზე ბანერი ”თავისუფლება მიშას” არის განთავსებული

ოზურგეთის მუნიციპალიტეტის ადმინისტრაციულ შენობაზე ბანერი შინაარსით ”თავისუფლება მიშას” არის გაკრული. პრეფორმანსის ავტორები ”ერთიანი ნაციონალური მოძრაობის” ადგილობრივი ლიდერები არიან. მათ ხმის გამაძლიერებლის მეშვეობით სიმღერა ,,მიშა მაგარია” ჩართეს და ამით მესამე პრეზიდენტის დაკავება გააპროტესტეს.

,,მოვუწოდებ ხელისუფლებას დროულად გამოუშვან მიხეილ სააკაშვილი. ეს არის მოთხოვნა, რომელიც მხოლოდ აქედან არ გაჟღერდება. მან ყველაფერი გააკეთა იმისთვის, რომ ქვეყანა გამოეყვანა კრიზისიდან, მან საკუთარ თავზე აიღო, ჩამოვიდა, დააკავეს და ჩასვეს ციხეში. მიხეილ სააკაშვილი არის პოლიტიკური პატიმარი, პუტინის პირადი პატიმარი.”- განაცხადა ნაციონალური მოძრაობის თავმჯდომარე, დავით მჟავანაძემ.

ბანერი შენობაზე, რომელშიც გურიის სამხარეო ადმინისტრაცია, საკრებულო და მერიაა განთავსებული, ამ დრომდე კიდია.