ოზურგეთის მუნიციპალიტეტის სოფელ ციხისფერდის მოსახლეობა დაზიანებული გზის აღდგენას ითხოვს. ადგილობრივმა მოსახლეობამ ”გურიაTV”–თან საუბრის დროს აღნიშნა, რომ დაზიანებული გზა დიდ პრობლემას ქმნის, როგორც მანქანით, ასევე ფეხით გადაადგილების დროს.
“ამ გზაზე მანქანით გავლა უკვე შეუძლებელი გახდა. წვიმიან ამინდში კი ფეხით გავლაც ძალიან გვიჭირს. გადაადგილების პრობლემა ასევე შეექმნა სატრანსპორტო საშუალებას, რომელიც ციხისფერდის სკოლის მოსწავლეებს ემსახურება.” – განაცხადეს ადგილობრივებმა.
მერის წარმომადგენელი სოფელ გურიანთაში, გია ფასიეშვილი ამბობს, რომ კონკრეტულ ვადებზე საუბარი უჭირს.
”დიდი სურვილი გვაქვს აღნიშნული პრობლემა მოგვარდეს, თუმცა ჯერჯერობით ძნელია ზუსტი დროის დასახელება, თუ როდის დაიწყება აღნიშნული გზის რეაბილიტაცია” – აღნიშნა გია ფასიეშვილმა.
ავტორი: დიკო მუჯირი
მომზადებულია პროექტის “მეტი მედია განათლება – ნაკლები სივრცე ფეიკ-ნიუსებისა და დეზინფორმაციისთვის” ფარგლებში.
Loading ...
