პარტია “ქართული ოცნების” თავმჯდომარის ბიძინა ივანიშვილის ინტერვიუ სოციალურ ქსელში შემოქმედელმა მიტროპოლიტმა მეუფე იოსებმაც შეაფასა.
“რუსეთის გეგმა, საქართველო ქართველების გარეშე” _ ამ მინაწერით გააზიარა მეუფემ ივანიშვილის ფოტო, რომლის ქვემოთ კომენტარებში წერს:
“ეს რაა და ეს ვინაა; სრულიად გამოავლინა თავისი თავი; ასე რამ შეგაძულა საქართველო; ამის მოთმენა უკვე აღარ შეიძლება;” _ წერს მეუფე პოსტის კომენტარებში.
მცდელობა, უფრო მეტი გაგვეგო მეუფის პოზიციის შესახებ უშედეგო აღმოჩნდა _ შემოქმედელი მიტროპოლიტი სატელეფონო ზარებს არ პასუხობს.
მეუფის ამ განცხადებას უკვე მოჰყვა შეფასებები.
საქართველოს მესამე პრეზიდენტმა მიხეილ სააკაშვილმა ჯერ ვიდეო მიმართვაში, შემდეგ კი “მთავარი არხის” ეთერში აღნიშნა, რომ მეუფეს ეთანხმება:
“ვეთანხმები დიდ პატრიოტს და ძალიან ღვაწლმოსილ მეუფე იოსებს – საქართველოს დაცლა ქართველებისგან სწორედაც რომ რუსეთის გეგმაა და ამას ახორციელებს ივანიშვილი. ჩვენი ვალია ერისაც და ბერისაც ეს გეგმა ბოლომდე არ მივაყვანინოთ”, _აღნიშნავს სააკაშვილი.
Loading ...