ასეთი დიდი პანდემიები ყოველწლიურად არ იქნება, ბუნება ასეა მოწყობილი, – განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საქართველოს პირველი არხის გადაცემა „თავისუფალი ხედვაში“.
„ასეთი დიდი პანდემია, რომელიც მსოფლიოს დიდი გამოცდის წინაშე აყენებს, საუკუნეში ორ-სამჯერ ხდება. შეიძლება, ოთხჯერ მოხდეს. რა თქმა უნდა, თითოეული ადამიანის სიკვდილი ტრაგედიაა, მაგრამ ამ პანდემიის დროს ჯერჯერობით, სადღაც 400 000-მდე ადამიანია დაღუპული. თუ შევადარებთ, მსოფლიოში წელიწადში 58 მილიონი ადამიანი კვდება. აქედან, ყველაზე მეტი გულსისხლძარღვთა დაავადებებით იღუპება და ონკოლოგიური დაავადებებით 8-9 მილიონი ადამიანი კვდება. თუ მარტო ციფრებს ავიღებთ, ამასთან შედარებით არაფერი არ არის, მაგრამ კორონამ დედამიწა შეაზანზარა“, – განაცხადა გამყრელიძემ.
ამირან გამყრელიძემ ასევე განაცხადა, რომ პოსტკორონა ეპოქაში ერთ-ერთ მთავარ პრობლემად შეიძლება, დადგეს სოციალური და ქცევითი ურთიერთობები.
Loading ...