დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, თერჯოლაში გარდაცვლილი 11 წლის მოზარდის დედას ოჯახში დაბრუნებამდე კორონავირუსზე გამოიკვლევენ.
მისივე თქმით, თუკი „პისიარ“ ტესტის პასუხი უარყოფითი იქნება, გარდაცვლილი მცირეწლოვნის დედა საკარანტინე სივრცეს დატოვებს.
„ჩვენ გვაქვს ასეთი მეთოდოლოგია, რომელსაც ვიყენებთ ბიზნესმენებზე, დიპლომატებზე, განსაკუთრებული მოვალეობით შემოსულ ადამიანებზე, რომელთაც 12 დღის განმავლობაში, რაც საინკუბაციო პერიოდია ჩვენთან, ყოველ 72 საათში იქნება ადამიანი გატესტილი. აუღებენ ტესტს, თუ უარყოფითია, მეორე 72 საათამდე ის თავისუფალია“, – განაცხადა ამირან გამყრელიძემ.