,,ალტ-ინფოს” ოფისის გახსნის მოწინააღმდეგე აქტივისტებმა ოზურგეთში ბრიფინგი გამართეს

სამოქალაქო აქტივისტებმა, რომლებიც ოზურგეთში  ,,ალტ – ინფოს” ოფისის გახსნას ეწინააღმდეგებოდნენ, ოზურგეთის დემოკრატიული ჩართულობის ცენტრში  ბრიფინგი გამართეს. აღნიშნულ აქტივისტებზე ერთერთმა ალტ ინფოელმა მუქარის შემცველი ფეისბუქ პოსტი გამოაქვეყნა, ასევე მუქარები პირად შეტყობინებებში დაეგზავნა სამოქალაქო მოძრაობის წევრებს. აღნიშნულთან დაკავშირებით ,,ალტ – ინფოს” საწინააღმდეგო ჯგუფმა რაიონულ პროკურატურაში განცხადება შეიტანა და სამართალდამცავებს რეაგირება მოსთხოვა.