ათეულში შევიდა და უკვე მეექვსეა! – კვარაცხელია მესის, ნეიმარსა და მბაპეს მიჰყვება

სერია A-ს მე-12 ტურის შემდეგ “ნაპოლის” ქართველი ვარსკვლავი ხვიჩა კვარაცხელია ტოპ 5 ჩემპიონატში შედეგიანი ქმედებებით მყოფ ფეხბურთელთა ათეულში შევიდა.

ჩვენებურს კალჩოს 12 ტურში 6 გოლი და 7 შედეგიანი გადაცემა მოუგროვდა, რითაც 13 შედეგიანი ქმედებით, მე-6 ადგილზე დამკვიდრდა.

“კვარაზე” წინ მხოლოდ ისეთი ვარსკვლავები არიან, როგორებიც ერლინ ჰალანი, ნეიმარი, რობერტ ლევანდოვსკი, ლიონელ მესი და კილიან მბაპეა.

ათეულში ასევე მოხვდნენ “ლილის” წევრი ჯონათან დევიდი, “ბაიერნიდან” ჯამას მუსიალა, “სიტიდან” კევინ დე ბრუინი და ფრანკფურტის “აინტრახტიდან” კოლო მუანი.

ავტორი: ლაშა ბეგიაშვილი