ავტოსაგზაო შემთხვევა თელავში

ავტოსაგზაო შემთხვევა თელავის ცენტრში – ავტომანქანიდან გადასვლაში მგზავრებს მაშველები დაეხმარნენ. შემთხვევა ცოტა ხნის წინ, რუსთაველის გამზირზე მოხდა.

მსუბუქ ავტომობილს საპირისპირო მიმართულებით მოძრავი ავტომანქანა შეეჯახა. მანქანა ადგილზე გადაბრუნდა, მეორე მძღოლი კი მიიმალა.

გადაბრუნებული ავტომანქანის სამ მგზავრს, გადასვლასა და დამტვრეული მანქანიდან ნივთების გადატანაში, მაშველები დაეხმარნენ. ექიმების განმარტებით, მგზავრების სიცოცხლეს საფრთხე არ ემუქრება.

შემთხვევის ადგილზე, საპატრულო პოლიცია, სასწრაფო- სამედიცინო დახმარების ეკიპაჟები და მაშველები იმყოფებიან. პარალელურად, სამართალდამცავები მიმალულ მძღოლს და მის მანქანას ეძებენ.