ავტოკატასტროფაში “ლივერპულის” ფეხბურთელი დიოგუ ჟოტა გარდაიცვალა

„ლივერპულისა“ და პორტუგალიის ნაკრების თავდამსხმელი დიოგო ჟოტა ავტოკატასტროფაში დაიღუპა, იტყობინება Marca. ფეხბურთელი 28 წლის იყო.

მასთან ერთად გარდაიცვალა მისი 26 წლის ძმა ანდრე, რომელიც პორტუგალიურ საფეხბურთო კლუბ „პენაფიელში“ თამაშობდა.

ავარია ესპანეთში მოხდა, A-52 ავტომაგისტრალის 65-ე კილომეტრზე, სამორას პროვინციაში, სანაბრიას რაიონთან ახლოს. დიოგო ხოტა და მისი ძმა დაიღუპნენ, როდესაც მათი მანქანა გზიდან გადავიდა და ცეცხლი გაუჩნდა.