ავსტრიის „შტურმმა“ გიზი მამაგეიშვილი წარადგინა

22 წლის გიზო მამაგეიშვილი გრაცის „შტურმში“ გადმოდის და მომავალში ჩვენს შეტევას გააძლიერებს – ინფორმაცია ოფიციალურად ავსტრიის ჩემპიონმაც დაადასტურა.

გიზო, ისევე როგორც მისი ტყუპუსცალი, ოთო მამაგეიშვილი, „იბერიას“ საფეხბურრთო აკადემიის აღზრდილები არიან. პროფესიული კარიერაც ამ კლუბში 2020 წელს, 17 წლის ასაკში დაიწყო.

22 წლის ფეხბურთელი ყველა ასაკობრივი (17, 19, 21) ნაკრების წევრი გახლდათ. იყო რამაზ სვანაძის გუნდის წევრი, რომელმაც სლოვაკეთში გამართულ 21-წლამდელთა ევროპის ჩემპიონატზე ითამაშა.

ანალიტიკური საფეხბურთო ვებ-გვერდი transfermarkt ქართველი ნახევარმცველის ტრანსფერს 600 ათას ევროდ აფასებს. ამ მაჩვენებლით მამაგეიშვილი ეროვნული ლიგის მეოთხე ყველაზე ძვირად ღირებული ფეხბურთელი იყო.

„გიზო მამაგეიშვილი მოქნილი შემტევი მოთამაშეა შესანიშნავი ტექნიკით, ახალგაზრდა ასაკში ლიდერი და კაპიტანია. ჩვენთვის მისაღები მენტალიტეტი აქვს. ის გუნდს იანვარში შეუერთდება, გრაცში ჩემპიონის რანგში თავდაჯერებულობით ჩამოვა და „შტურმს“ დამატებით ენერგიას შესძენს. გვიხარია, რომ გიზომ გრაცში გადმოსვლა გადაწყვიტა მრავალი სხვა შეთავაზების მიუხედავად. მოუთმენლად ველით მოედანზე მის გამოჩენას“, – ამბობს „შტურმის“ სპორტული დირექტორი მაიკლ პარენსენი.