გომისმთიდან მომავალი მიკროავტობუსი ავარიაში მოყვა. დაშავებულია 12 ადამიანი, მათგან ორი საქართველოს მოქალაქეა, დანარჩენი კი – ბელორუსის. ისინი ოზურგეთის მედალფას კლინიკაში გადაიყვანეს.
როგორც ოზურგეთის კლინიკა ”მედალფაში” ამბობენ, ამ ეტაპზე კლინიკაში 9 ადამიანი რჩება. მათი მდგომარეობა საშუალო სიმძიმისაა. აღენიშნებათ მრავლობითი ტრავმები. მათგან განსხვავებით მძიმეა ერთი პაციენტის მდგომარეობა, რომელიც კლინიკაში მენჯის ძვლების მრავლობითი მოტეხილობებით შეიყვანეს და ამ ეტაპზე საოპერაციოდ ქუთაისშია გადაყვანილი.
შინაგან საქმეთა სამინისტროს ინფორმაციით, გამოძიება სსკ-ის 276-ე მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმედ დაზიანება გამოიწვია.
კომენტარები
Loading ...