Covid 19-ის საწინააღმდეგო ვაქცინა „აბდალას“ კლინიკური ტესტირება კუბაში მდებარე „სატურნინო ლორას“ კლინიკაში წარმატებით მიმდინარეობს. ამის შესახებ ინფორმაციას უცხოური მედია plenglish.com ავრცელებს.
ჯანდაცვის ცენტრის დირექტორის, დოქტორ რაფაელ სუარესის თქმით, Covid 19-ის საწინააღმდეგო პრეპარატის გამოყენება პრაქტიკულად არ იწვევს გვერდით ეფექტებს, რაც ძირითადად ჩხვლეტის არეში დისკომფორტს უკავშირდება.
მისივე თქმით, მეორე ფაზისთვის შეირჩევა დაახლოებით, 600 მოხალისე, რომლებიც ვაქცინის კლინიკურ ტესტირებაში მონაწილეობაზე ნებაყოფლობით დათანხმდებიან.
აბდალას ტესტირების პირველ ეტაპში მონაწილეობა მიიღეს ჯანმრთელმა ზრდასრულმა ადამიანებმა და მათ, ვისაც ქრონიკული დაავადებები აწუხებდათ.
სანტიაგოს საავადმყოფო ერთადერთია კუბაში, სადაც აბდალას ვაქცინის ექპერიმენტული პროცედურები მიმდინარეობს და რომელსაც აკვირდებიან საავადმყოფოს დამფუძნებელი, გენური ინჟინერიისა და ბიოტექნოლოგიის ცენტრის (CIGB) წარმომადგენლები და მედიკამენტებისა და სამედიცინო საშუალებების რეგულირების ეროვნული ცენტრის სპეციალისტები.
გამოცემის ცნობით, კუბური კორონავირუსის საწინააღმდეგო ვაქცინა „აბდალას“ გარდა, ქვეყანა კიდევ სამი დასახელების ვაქცინას აწარმოებს. ესენია Sovereign 01 და 02, რომლებიც წარმოებულია ფინლის ვაქცინების ინსტიტუტში და ვაქცინა სახელწოდებით „მამბისა“, რომელიც „აბდალასთან“ ერთად ბიოტექნოლოგიის ცენტრში მომზადდა.
pia.ge
Loading ...