ფოთში, ცხელების კლინიკაში მოთავსებულ პაციენტებს, მათ შორის ოზურგეთელებს კორონავირუსი არ დაუდგინდათ. კორონა ვირუსი არ დაუდგინდა არც 8 თვის ჩვილს, რომლის ბიოლოგიური მასალა, ასევე, ლუგარის ლაბორატორიაში იყო გაგზავნილი. ექიმების შეფასებით, მათი ჯანმრთელობის მდგომარეობა დამაკმაყოფილებელია. ,,ცხელების კლინიკაში მყოფი სამი პაციენტის ბიოლოგიური მასალა ამ დილით გავაგზავნეთ ლუგარის ლაბორატორიაში. ესენი არიან 56 წლის მამაკაცი ოზურგეთიდან, 25 წლის მამაკაცი გრიგოლეთიდან და რვა თვის გოგონა ფოთიდან. საბედნიეროდ, მათ კოვიდ 19 არ დაუდასტურდათ. სხვა პაციენტების ანალიზი ლუგარის ლაბორატორიაში ხვალ გაიგზავნება.”- განაცხადა ფოთის ჰოსპიტალის დირექტორმა, თეა მიგინეიშვილმა.