რუსეთში ვლადიმერ პუტინს საფლავი გაუკეთეს

10 მარტს „უვადო პროტესტის” აქტივისტებმა რუსეთის ქალაქ ნაბერეჟნიე ჩელნიში ვლადიმერ პუტინს სიმბოლური საფლავი გაუკეთეს.
საპროტესტო  აქტი მას შემდეგ განხორციელდა, რაც რუსეთში ხელისუფლების მიმართ შეურაცხმყოფელი ინტერნეტ-პოსტების გამოქვეყნება  დასჯადი გახდა.
საფლავზე დადგმულ ქვაზე დაბადებისა და გარდაცვალების წლებად 1952-2019 წლებია მითითებული. როგორც აქტივისტები ამბობენ, ეს ქმედება  ინტერნეტის იზოლაციისადმი პროტესტის ნიშნად განხორციელდა.
„პუტინმა დაასაფლავა თავისუფალი ინტერნეტი – ნაბერეჟნიე ჩელნის მოსახლეობამ დაასაფლავა პუტინი” – ნათქვამი იყო პოსტში, რომელიც ერთ-ერთ სოციალურ ქსელში გამოქვეყნდა. საფლავის ავტორი, აქტივისტი კარინ იამადაევი პოლიციამ იმავე საღამოს  დააკავა. მას 300 000 მანეთის ოდენობის ჯარიმა და თავისუფლების 30 დღიანი აღკვეთა და  ემუქრება.
Share

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *