ერთობლივი ძალისხმევა ქალთა ეკონომიკური გაძლიერებისთვის.

გაეროს ქალთა ორგანიზაცია (UN WOMEN) პარტნიორებთან ერთად ნორვეგიის მთავრობის მხარდაჭერით ახორციელებს პროექტს ერთობლივი ძალისხმევა ქალთა ეკონომიკური გაძლიერებისთვის. პროექტის მონაწილე და განმახორციელებელი პარტნიორი ორგანიზაციები არიან სამოქალაქო განვითარების სააგენტო (CiDA), საქართველოს ფერმერთა ასოციაცია (GFA), საქართველოს სახალხო დამცველის აპარატი და ფონდი ტასო. პროექტი მუშაობს სამ ძირითად სამიზნე ჯგუფთან, კერძო სექტორი, ხელისუფლება და ქალები, მათ შორის სოციალურად დაუცველ და მოწყვლადი ქალთა ჯგუფებთან პროექტის ფარგლებში შერჩეულ თემებთან. პროექტის სამიზნე რეგიონებია შიდა ქართლი, იმერეთი, გურია, სამეგრელო, რაჭა-ლეჩხუმი. ქალთა ეკონომიკური მდგომარეობის გაძლიერებისათვის პროექტი მიზნად ისახავს ქალთა, მათ შორის სოფლად მცხოვრები ქალების, უფლებადამცველების და კერძო სექტორის პარტნიორობას მათი განვითარების შესაძლებლობების, ეკონომიკური უსაფრთხოების გაზრდისათვის. შეხვედრას ესწრებიან გაეროს ქალთა ორგანიზაციისა და პროექტის „ერთობლივი ძალისხმევა ქალთა ეკონომიკური გაძლიერებისთვის“განმახორციელებელი პარტნიორი ორგანიზაციების წარმომადგენლები (ფონდი ტასო, საქართველოს ფერმერთა ასოციაცია)

Share

You may also like...

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *