დღეს დემოკრატიული ჩართულობის ცენტრში ოზურგეთის მერობის დამოუკიდებელმა კანდიდატმა , კოტე შარაშენიძემ და მის შტაბმა სპეციალური, საგანგებო განცხადება გააკეთეს.
შარაშენიძის შტაბმა გაასაჯაროვა , მათივე განცხადებით სახელისუფლბო კანდიდატის, ბეგლარ სიორიძის შტაბის მიერ შექმნილი დოკუნტი, რომელიც წინასაარჩევნოდ და არჩევნების დღეს დესტაბილიზაციისა და არეულობის შექმნას ეხება. გავრცელებულ დოკუმენტში, რომელიც შარაშენიძის შტაბს , როგორც თავად აცხადებენ, ხელნაწერის სახით ჩაუვარდათ ხელში, საუბარია ადამიანთა გარკვეული ჯგუფის მობილიზებაზე ( 300 ადამიანზე) , რომლებიც საარჩევნო უბნებთან ადამიანების დაშინებითა და შანტაჟით იქნებიან დაკავებულები. ასევე – ე.წ. კარუსელების დატრიალებაზე. უბნებზე, სადაც სახელისუფლებო კანდიდატი ვერ იგებს ჩხუბისა და აყალმაყალის შექმნაზე, რაც საარჩევნო უბნისა და შედეგების გაუქმებით უნდა დასრულდეს. გავრცელებულ დოკუმენტში ასევე ვკითხულობთ ძალოვანი სტრუქტურების აქტიურ ჩართვაზე, არჩევნების პროცესში. მითითებულია და წინასწარ განსაზღვრული სად და რამდენი ხმით იგებს სახელისუფლებო კანდიდატი. საუბარია ასევე ნარკოტიკული საშუალებების დარიგებაზეც.
შარაშენიძის შტაბის მიერ გავრცელებული დოკუმენტი, რომელიც , როგორც თავად ამბობენ სიორიძის შტაბიდან ჩაუვარდათ ხელში 31 პუნქტიანია და შინაარსიდან გამომდინარე მძიმე ბრალდებებს შეიცავს. დამოუკიდებელი კანდიდატის შტაბში აცხადებენ, რომ აღნიშნული ფაქტით საგამოძიო ორგანოები უნდა დაინტერესდნენ.
შარაშენიძის შტაბში ამბობენ, რომ ისინი არჩევნების გაყალბების მცდელობას არ დაუშვებენ. მხარდაჭერისთვის ამერიკისა და სხვა ქვეყნების საელჩოებს, საერთაშორისო და ადგილობრივ არასამთავრობო ორგანიზაციებს და საქართველოს ხელისუფლებას მიმართავენ. წინააღმდეგ შემთხვევაში კი სახალხო მღელვარებასა და დაპირისპირებას აანონსებენ.

ოზურგეთის მერობის დამოუკიდებელი კანდიდატის კონსტანტინე შარაშენიძის შტაბის მიერ გავრცელებილ საგანგებო განცხადებას, სახელისუფლებო კანდიდატის, ბეგლარ სიორიძის შტაბში გამოეხმაურნენ. მათ მიერ წამოსულ ბრალდებებს პარლამენტის უმრავლესობის ლიდერმა და სიორიძის მხარდამჭერმა, არჩილ თალაკვაძემ უპასუხა.
თალაკვაძის განცხადებით აღნიშნული დოკუმენტი შარაშენიძის შტაბშივეა შექმნილი. მისივე თქმით, კონკურენტებმა ამ დოკუმენტით საკუთარი თავის დემორალიზება მოახდინეს. თალაკვაძე დარწმუნებულია, რომ მათი კანდიდატი მეორე ტურს დამაჯერებლად მოიგებს. მისივე თქმით ეს იცის საპირისპირო მხარემ და ყველა მცდელობას მიმართავენ. თალაკვაძემ ისაუბრა იმაზე, რომ არჩევნები ოზურგეთში მშვიდ გარემოში, კანონის დაცვით ჩაივლის და ოზურგეთელები სახელისუფლებო კანდიდატს აირჩევენ. არჩილ თალაკვაძემ ოზურგეთის ქუჩებში მომრავლებული ავტომობილების, კონკრეტულად კი ,,შკოდებისა’’ და ,,ტოიოტების’’ სიმრავლე, რომელიც აღნიშნულ ტექსტშია ნახსენები, მარტივად ახსნა და ქვა, რომ უცხო მარკის ავტომობილებიოს მომრავლება ოზურგეთში არა მარტო ბოლო დღეებია, არამედ ბოლო წლებია შეინიშნება და მათი მხრიდან არანაირი პროვოკაციები არ მოხდება, რასაც საპირისპირო მხრიდან არ გამორიცხავს.